ਸੰਤ ਰਾਮਪਾਲ ਜੀ ਦੀ ਰਹਿਨੁਮਾਈ ਹੇਠ ਪਿੰਡ ਕੁਲਾਰ ਵਿਖੇ ਚਲਾਇਆ ਵਿਸ਼ਾਲ ਸਫ਼ਾਈ ਅਭਿਆਨ

ਅੰਨਪੂਰਨਾ ਮੁਹਿੰਮ ਮਾਨਵਤਾ ਦੀ ਸੇਵਾ ਦੀ ਬਣੀ ਮਿਸਾਲ (ਜਗਸੀਰ ਸਿੰਘ)- ਸੰਤ ਰਾਮਪਾਲ ਜੀ ਮਹਾਰਾਜ ਦੀ ਰਹਿਨੁਮਾਈ ਹੇਠ ਅੰਨਪੂਰਨਾ ਮੁਹਿੰਮ ਦੇ ਤਹਿਤ ਪਿੰਡ ਕੁਲਾਰ ਵਿਖੇ ਇੱਕ ਵਿਸ਼ਾਲ ਸਫ਼ਾਈ ਅਭਿਆਨ ਚਲਾਇਆ ਗਿਆ ਗਿਆ। ਇਸ ਅਭਿਆਨ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸੇਵਾਦਾਰਾਂ ਨੇ ਭਾਗ ਲੈ ਕੇ ਪਿੰਡ ਦੀਆਂ ਗਲੀਆਂ, ਸੜਕਾਂ ਅਤੇ ਸਰਵਜਨਿਕ ਥਾਵਾਂ ਦੀ ਸੁਚੱਜੀ ਸਫ਼ਾਈ ਕੀਤੀ। ਇਸ ਮੌਕੇ ਪਿੰਡ ਵਿੱਚ ਸਫ਼ਾਈ ਅਤੇ ਸਿਹਤ ਪ੍ਰਤੀ ਜਾਗਰੂਕਤਾ ਦਾ ਵਿਸ਼ੇਸ਼ ਸੰਦੇਸ਼ ਵੀ ਦਿੱਤਾ ਗਿਆ। ਅਭਿਆਨ ਦੌਰਾਨ ਸੇਵਾਦਾਰਾਂ ਨੇ ਨਾ ਸਿਰਫ਼ ਸਫ਼ਾਈ ਕੀਤੀ, ਸਗੋਂ ਪਿੰਡ ਵਾਸੀਆਂ ਨੂੰ ਆਪਣੇ ਆਲੇ-ਦੁਆਲੇ ਸਾਫ਼-ਸੁਥਰਾ ਮਾਹੌਲ ਬਣਾਈ ਰੱਖਣ ਲਈ ਪ੍ਰੇਰਿਤ ਕੀਤਾ। ਪਿੰਡ ਵਾਸੀਆਂ ਨੇ ਇਸ ਉਪਰਾਲੇ ਨੂੰ ਬਹੁਤ ਹੀ ਸ਼ਲਾਘਾਯੋਗ ਦੱਸਦੇ ਹੋਏ ਕਿਹਾ ਕਿ ਇਸ ਤਰ੍ਹਾਂ ਦੇ ਯਤਨ ਸਮਾਜ ਵਿੱਚ ਸਕਾਰਾਤਮਕ ਬਦਲਾਅ ਲਿਆਉਣ ਲਈ ਬਹੁਤ ਮਹੱਤਵਪੂਰਨ ਹਨ। ਸੰਤ ਰਾਮਪਾਲ ਜੀ ਮਹਾਰਾਜ ਵੱਲੋਂ ਚਲਾਈ ਜਾ ਰਹੀ ਅੰਨਪੂਰਨਾ ਮੁਹਿੰਮ ਅੱਜ ਸਮਾਜ ਸੇਵਾ ਦਾ ਇੱਕ ਮਜ਼ਬੂਤ ਸਤੰਭ ਬਣ ਚੁੱਕੀ ਹੈ। ਇਸ ਮੁਹਿੰਮ ਦੇ ਤਹਿਤ ਗਰੀਬ ਅਤੇ ਲੋੜਵੰਦ ਪਰਿਵਾਰਾਂ ਨੂੰ ਹਰ ਮਹੀਨੇ ਮੁਫ਼ਤ ਰਾਸ਼ਨ ਸਹਾਇਤਾ ਪ੍ਰਦਾਨ ਕੀਤੀ ਜਾਂਦੀ ਹੈ, ਜਿਸ ਨਾਲ ਹਜ਼ਾਰਾਂ ਪਰਿਵਾਰਾਂ ਦੀ ਜ਼ਿੰਦਗੀ ਵਿੱਚ ਸੁਧਾਰ ਆ ਰਿਹਾ ਹੈ। ਇਸਦੇ ਨਾਲ ਹੀ ਨਸ਼ਾ ਮੁਕਤੀ, ਦਹੇਜ ਪ੍ਰਥਾ ਦਾ ਵਿਰੋਧ ਅਤੇ ਸਮਾਜਿਕ ਕੁਰੀਤੀਆਂ ਖ਼ਿਲਾਫ਼ ਜਾਗਰੂਕਤਾ ਵਰਗੇ ਕਈ ਮਹੱਤਵਪੂਰਨ ਕਾਰਜ ਲਗਾਤਾਰ ਚਲਾਏ ਜਾ ਰਹੇ ਹਨ। ਇਸ ਸਫ਼ਾਈ ਅਭਿਆਨ ਵਿੱਚ ਪਿੰਡ ਕੁਲਾਰ ਸਮੇਤ ਆਸ-ਪਾਸ ਦੇ ਕਈ ਪਿੰਡਾਂ ਦੇ ਸਰਪੰਚਾਂ ਅਤੇ ਪ੍ਰਮੁੱਖ ਸ਼ਖਸੀਅਤਾਂ ਨੇ ਸ਼ਮੂਲੀਅਤ ਕਰਕੇ ਸੇਵਾਦਾਰਾਂ ਦੀ ਭਰਪੂਰ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਦੇ ਉਪਰਾਲੇ ਨਾ ਸਿਰਫ਼ ਪਿੰਡਾਂ ਵਿੱਚ ਸਫ਼ਾਈ ਨੂੰ ਬਹਾਲ ਕਰਦੇ ਹਨ, ਸਗੋਂ ਲੋਕਾਂ ਵਿੱਚ ਇਕਤਾ, ਭਾਈਚਾਰੇ ਅਤੇ ਸੇਵਾ ਭਾਵਨਾ ਨੂੰ ਵੀ ਮਜ਼ਬੂਤ ਕਰਦੇ ਹਨ। ਇਸ ਮੌਕੇ ਕਈ ਪੰਚਾਇਤਾਂ ਦੇ ਸਰਪੰਚਾਂ ਵੱਲੋਂ ਸੰਤ ਰਾਮਪਾਲ ਜੀ ਮਹਾਰਾਜ ਨੂੰ ਲਿਖਤੀ ਰੂਪ ਵਿੱਚ ਅਪੀਲ ਕੀਤੀ ਗਈ ਕਿ ਉਹਨਾਂ ਦੇ ਪਿੰਡਾਂ ਵਿੱਚ ਵੀ ਇਸ ਤਰ੍ਹਾਂ ਦੇ ਸੇਵਾ ਅਭਿਆਨ ਚਲਾਏ ਜਾਣ, ਤਾਂ ਜੋ ਹੋਰ ਪਿੰਡ ਵੀ ਇਸ ਮੁਹਿੰਮ ਤੋਂ ਲਾਭ ਪ੍ਰਾਪਤ ਕਰ ਸਕਣ। ਪਿੰਡ ਵਾਸੀਆਂ ਨੇ ਕਿਹਾ ਕਿ ਜੇ ਇਸ ਤਰ੍ਹਾਂ ਦੀਆਂ ਮੁਹਿੰਮਾਂ ਲਗਾਤਾਰ ਚੱਲਦੀਆਂ ਰਹੀਆਂ ਤਾਂ ਦੇਸ਼ ਨੂੰ ਸਾਫ਼-ਸੁਥਰਾ ਅਤੇ ਸੁਚੱਜਾ ਬਣਾਉਣ ਵਿੱਚ ਵੱਡੀ ਮਦਦ ਮਿਲੇਗੀ। ਅੰਤ ਵਿੱਚ, ਇਸ ਅਭਿਆਨ ਨੇ ਇਹ ਸਾਬਤ ਕਰ ਦਿੱਤਾ ਕਿ ਜਦੋਂ ਸਮਾਜ ਇਕੱਠੇ ਹੋ ਕੇ ਸੇਵਾ ਦਾ ਜਜ਼ਬਾ ਰੱਖਦਾ ਹੈ ਤਾਂ ਹਰ ਮੁਸ਼ਕਲ ਕੰਮ ਵੀ ਆਸਾਨ ਬਣ ਜਾਂਦਾ ਹੈ। ਇਸ ਮੌਕੇ ਹਾਜ਼ਰ ਰਹਿਣ ਵਾਲੀਆਂ ਪ੍ਰਮੁੱਖ ਸ਼ਖਸੀਅਤਾਂ ਵਿੱਚ ਲਿਛਮਾ ਦੇਵੀ (ਸਰਪੰਚ, ਪਿੰਡ ਕੁਲਾਰ), ਸੁਧੀਰ ਕੂਕਨਾ (ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ), ਅਮਨ ਕੜਵਾਸਰਾ (ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ), ਪ੍ਰਦੀਪ ਖੀਚੜ (ਚੇਅਰਮੈਨ, ਨਗਰਪਾਲਿਕਾ ਮਟੀਲੀ ਰਾਜਸਥਾਨ), ਰਾਮ ਕਿਸ਼ਨ ਪੂਨੀਆ (ਚੇਅਰਮੈਨ, ਬਲਾਕ ਸੰਮਤੀ), ਗੌਤਮ (ਸਰਪੰਚ, ਸ਼ੇਰੇਵਾਲਾ), ਸੰਤੋਖ ਸਿੰਘ (ਸਰਪੰਚ, ਢਾਬਾ ਕੋਕਰੀਆਂ), ਹਰਪ੍ਰੀਤ ਸਿੰਘ (ਸਾਬਕਾ ਸਰਪੰਚ, ਰਾਮਪੁਰਾ), ਡਾ. ਗੁਲਾਬ ਸਰਾਂ (ਨਰੈਣਪੁਰਾ), ਰਿਪੂਦਮਨ (ਸਰਪੰਚ, ਮਿਹਰਾਣਾ), ਕੁਲਦੀਪ ਸ਼ਰਮਾ (ਸਰਪੰਚ, ਮਾਲਾ ਰਾਮਪੁਰਾ ਰਾਜਸਥਾਨ), ਸੋਨੂੰ (ਸਰਪੰਚ, ਰਾਜਪੁਰਾ), ਬਿਕਰਮਜੀਤ ਸਿੰਘ (ਸਰਪੰਚ, ਰਾਮਸਰਾ), ਗੋਰਾ ਬੱਲੂਆਣਾ (ਹਲਕਾ ਇੰਚਾਰਜ, ਸ਼੍ਰੋਮਣੀ ਅਕਾਲੀ ਦਲ), ਹਵਾ ਸਿੰਘ ਪੂਨੀਆ (ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ), ਸਾਮ ਲਾਲ (ਸਟੇਸ਼ਨ ਸੁਪਰਡੈਂਟ, ਅਨੂਪਗੜ੍ਹ), ਮਨੀਸ਼ ਅਗਰਵਾਲ (ਮੈਡੀਕਲ ਅਫ਼ਸਰ) ਅਤੇ ਭੂਪ ਰਾਮ ਭਾਟੀ (ਬੀ.ਐਨ.ਓ) ਸਮੇਤ ਕਈ ਹੋਰ ਸਮਾਜਿਕ ਅਤੇ ਰਾਜਨੀਤਕ ਸ਼ਖ਼ਸੀਅਤਾਂ ਮੌਜੂਦ ਸਨ।