ਨਾਭਾ: ਬਿਜਲੀ ਵਿਭਾਗ ਵੱਲੋਂ ਈਓ ਦੀ ਕੋਠੀ ‘ਤੇ ਕਾਰਵਾਈ, ਹਲਕੇ ‘ਚ ਚਰਚਾ ਦਾ ਵਿਸ਼ਾ

ਜ਼ਮੀਨ ਵਿੱਚੋ ਟਰਾਲੀਆਂ ਦਾ ਸਾਮਾਨ ਮਿਲਣ ਮਗਰੋਂ ਅੱਜ ਬਿਜਲੀ ਵਿਭਾਗ ਵੱਲੋਂ ਵੀ ਨਾਭਾ ਨਗਰ ਕੌਂਸਲ ਦੇ ਕਾਰਜਸਾਧਕ ਅਫ਼ਸਰ ਦੀ ਰਿਹਾਇਸ਼ ਵਿਖੇ ਬਿਜਲੀ ਦੀ ਚੈਕਿੰਗ ਕੀਤੀ ਗਈ।

ਉਨ੍ਹਾਂ ਨੇ ਦੇਖਿਆ ਕਿ ਕੋਠੀ ਵਿੱਚ ਗੈਰ-ਪ੍ਰਵਾਨਿਤ ਬਿਜਲੀ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਸੀ। ਵਿਭਾਗ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਇਥੇ ਟੀਊਬਵੈੱਲ ਦੇ ਮੀਟਰ ਤੋਂ ਬਿਜਲੀ ਹੋਰ ਕੰਮਾਂ ਲਈ ਵਰਤੀ ਜਾ ਰਹੀ ਸੀ। ਉਨ੍ਹਾਂ ਵੱਲੋਂ ਅੱਜ ਕੋਠੀ ਵਿੱਚੋ ਬਿਜਲੀ ਦੀਆਂ ਤਾਰਾਂ ਵੀ ਕੱਟੀਆਂ ਗਈਆਂ ਤੇ ਵਿਭਾਗ ਇਸ ਬਾਬਤ ਜੁਰਮਾਨਾ ਵੀ ਤੈਅ ਕਰਕੇ ਭੇਜੇਗਾ।

ਜ਼ਿਕਰਯੋਗ ਹੈ ਕਿ ਕੋਠੀ ਵਿੱਚ ਘਰੇਲੂ ਇਸਤੇਮਾਲ ਲਈ ਕੋਈ ਮੀਟਰ ਨਹੀਂ ਸੀ ਤੇ ਪਿਛਲੇ ਦਿਨਾਂ ਵਿੱਚ ਕੋਠੀ ਵਿਖੇ ਵਰਕਸ਼ਾਪ ਅਤੇ ਕੌਂਸਲ ਪ੍ਰਧਾਨ ਦੇ ਪਤੀ ਮੁਨੀਸ਼ ਚਾਵਲਾ ਉਰਫ ਪੰਕਜ ਪੱਪੂ ਦਾ ਕਥਿਤ ਦਫਤਰ ਹੋਣ ਦੀਆਂ ਖਬਰਾਂ ਨਸ਼ਰ ਹੋਣ ਮਗਰੋਂ ਵਿਭਾਗ ਨੇ ਇਹ ਕਾਰਵਾਈ ਕੀਤੀ।