ਰੁਪਇਆ ਡਾਲਰ ਦੇ ਮੁਕਾਬਲੇ ਨਿਊਨਤਮ ਪੱਧਰ ’ਤੇ, ਆਰਥਿਕ ਚਿੰਤਾ ਵਧੀ

ਵੀਰਵਾਰ ਨੂੰ intra-day trade ਦੌਰਾਨ ਰੁਪੱਈਆ ਅਮਰੀਕੀ ਡਾਲਰ ਦੇ ਮੁਕਾਬਲੇ 54 ਪੈਸੇ ਡਿੱਗ ਕੇ 90.48 ਦੇ ਹੁਣ ਤੱਕ ਦੇ ਸਭ ਤੋਂ ਹੇਠਲੇ ਪੱਧਰ 'ਤੇ ਪਹੁੰਚ ਗਿਆ ਹੈ।

ਫਾਰੇਕਸ ਵਪਾਰੀਆਂ ਨੇ ਕਿਹਾ ਕਿ ਮੁੱਖ ਆਰਥਿਕ ਸਲਾਹਕਾਰ (Chief Economic Advisor) ਵੀ. ਅਨੰਤ ਨਾਗੇਸ਼ਵਰਨ ਦੇ ਕਥਿਤ ਤੌਰ 'ਤੇ ਇਹ ਕਹਿਣ ਤੋਂ ਬਾਅਦ ਕਿ ਭਾਰਤ-ਅਮਰੀਕਾ ਵਪਾਰ ਸਮਝੌਤਾ ਮਾਰਚ ਤੱਕ ਹੋਣ ਦੀ ਸੰਭਾਵਨਾ ਹੈ, ਰੁਪਿਆ ਇੱਕ ਨਵੇਂ ਹੇਠਲੇ ਪੱਧਰ 90.48 'ਤੇ ਡਿੱਗ ਗਿਆ। ਇਸ ਤੋਂ ਇਲਾਵਾ ਪ੍ਰਚਲਿਤ ਜੋਖਮ-ਵਿਰੋਧੀ ਬਾਜ਼ਾਰ ਦੀ ਭਾਵਨਾ, ਜੋ ਕਿ ਦਰਾਮਦਕਾਰਾਂ (importers) ਤੋਂ ਅਮਰੀਕੀ ਡਾਲਰ ਦੀ ਮਜ਼ਬੂਤ ਮੰਗ ਨਾਲ ਹੋਰ ਵਧ ਗਈ, ਨੇ ਨਿਵੇਸ਼ਕਾਂ ਦੀ ਭਾਵਨਾ ਨੂੰ ਢਾਹ ਲਾਈ।

ਇੰਟਰਬੈਂਕ ਵਿਦੇਸ਼ੀ ਮੁਦਰਾ ਬਾਜ਼ਾਰ ਵਿੱਚ ਰੁਪਿਆ ਅਮਰੀਕੀ ਡਾਲਰ ਦੇ ਮੁਕਾਬਲੇ 89.95 'ਤੇ ਖੁੱਲ੍ਹਿਆ, ਫਿਰ ਕਮਜ਼ੋਰ ਹੋ ਗਿਆ ਅਤੇ ਰਿਕਾਰਡ ਅੰਤਰ-ਦਿਨ ਹੇਠਲੇ ਪੱਧਰ 90.48 'ਤੇ ਡਿੱਗ ਗਿਆ, ਜੋ ਇਸਦੇ ਪਿਛਲੇ ਬੰਦ ਭਾਅ ਤੋਂ 54 ਪੈਸੇ ਦੀ ਗਿਰਾਵਟ ਦਰਜ ਕਰਦਾ ਹੈ। ਬੁੱਧਵਾਰ ਨੂੰ ਰੁਪੱਈਆ ਅਮਰੀਕੀ ਡਾਲਰ ਦੇ ਮੁਕਾਬਲੇ 89.87 'ਤੇ ਬੰਦ ਹੋਇਆ ਸੀ।