ਉਪ ਰਾਸ਼ਟਰਪਤੀ ਦਾ ਦਫ਼ਤਰ ਕੋਈ ਸਿਆਸੀ ਸੰਸਥਾ ਨਹੀਂ: ‘ਇੰਡੀਆ’ ਗੱਠਜੋੜ

ਇੰਡੀਆ ਗੱਠਜੋੜ ਦੇ ਉਪ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰ ਬੀ ਸੁਦਰਸ਼ਨ ਰੈੱਡੀ ਨੇ ਅੱਜ ਇੱਥੇ ਕਿਹਾ ਕਿ ਉਪ ਰਾਸ਼ਟਰਪਤੀ ਦਾ ਦਫ਼ਤਰ ਇੱਕ ਉੱਚ ਸੰਵਿਧਾਨਕ ਸੰਸਥਾ ਹੈ ਨਾ ਕਿ ਇੱਕ ਰਾਜਨੀਤਿਕ ਸੰਸਥਾ।

ਉਨ੍ਹਾਂ ਗੁਹਾਟੀ ਵਿੱਚ ਪ੍ਰੈੱਸ ਕਾਨਫਰੰਸ ਦੌਰਾਨ ਕਿਹਾ, ‘‘ਇਹ ਕੋਈ ਸਧਾਰਨ ਸਿਆਸੀ ਸੰਸਥਾ ਨਹੀਂ ਹੈ... ਉਸ ਅਹੁਦੇ ’ਤੇ ਬੈਠਣ ਦਾ ਇਰਾਦਾ ਰੱਖਣ ਵਾਲੇ ਵਿਅਕਤੀ ਲਈ ਲੋੜੀਂਦੇ ਗੁਣ ਇੱਕ ਜੱਜ ਦੇ ਸਮਾਨ ਹਨ, ਤੁਹਾਡੇ ਸ਼ਬਦਾਂ, ਕਾਰਵਾਈਆਂ ਅਤੇ ਕੰਮਾਂ ਵਿੱਚ ਨਿਰਪੱਖਤਾ, ਵਾਜਬ ਅਤੇ ਨਿਰਪੱਖ ਝਲਕਾਰਾ ਹੋਣਾ ਚਾਹੀਦਾ ਹੈ... ਇਹ ਮੇਰੀ ਉਪ ਰਾਸ਼ਟਰਪਤੀ ਦੇ ਦਫ਼ਤਰ ਬਾਰੇ ਸਮਝ ਹੈ।’’

ਉਨ੍ਹਾਂ ਇਸ ਤੋਂ ਪਹਿਲਾਂ ਗੱਲਬਾਤ ਕਰਦਿਆਂ ਕਿਹਾ ਕਿ ਭਾਰਤੀ ਚੋਣ ਕਮਿਸ਼ਨ (ECI) ਇੱਕ ਸੰਵਿਧਾਨਕ ਸੰਸਥਾ ਹੈ ਜਿਸ ਨੂੰ ਦੇਸ਼ ਵਿੱਚ ਸੁਤੰਤਰ ਅਤੇ ਨਿਰਪੱਖ ਚੋਣਾਂ ਕਰਵਾਉਣ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।

ਉਨ੍ਹਾਂ ਕਿਹਾ, ‘‘ਕਿਸੇ ਵੀ ਵਿਅਕਤੀ ਨੂੰ ਚੋਣ ਵਿੱਚ ਹਿੱਸਾ ਲੈਣ ਤੋਂ ਰੋਕਣ ਲਈ ਕੋਈ ਪਹਿਲਾਂ ਤੋਂ ਤਿਆਰ ਕੀਤਾ ਨਕਸ਼ਾ ਨਹੀਂ ਹੋ ਸਕਦਾ।’’

ਜਦੋਂ ਵੋਟਰ ਸੂਚੀਆਂ ਦੀ ਵਿਸ਼ੇਸ਼ ਵਿਆਪਕ ਸੋਧ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਕਿਉਂਕਿ ਇਹ ਮਾਮਲਾ ‘ਸੁਪਰੀਮ ਕੋਰਟ ਵਿੱਚ ਵਿਚਾਰ ਅਧੀਨ ਹੈ, ਇਸ ਲਈ ਇਸ ’ਤੇ ਮੇਰੇ ਵੱਲੋਂ ਕੋਈ ਵੀ ਟਿੱਪਣੀ ਨਾ ਕਰਨਾ ਹੀ ਸਮਝਦਾਰੀ ਹੋਵੇਗੀ।’