ਚੋਣ ਸੂਧਾਰਾਂ 'ਤੇ ਸੰਸਦੀ ਕਮੇਟੀ ਸਾਹਮਣੇ ਪੇਸ਼ ਹੋਏ ਖੇਹਰ ਤੇ ਚੰਦਰਚੂੜ

ਨਵੀਂ ਦਿੱਲੀ : ਭਾਰਤ ਦੇ ਸਾਬਕਾ ਚੀਫ਼ ਜਸਟਿਸ ਜੇ.ਐਸ. ਖੇਹਰ ਅਤੇ ਡੀ.ਵਾਈ. ਚੰਦਰਚੂੜ ਨੇ ਸ਼ੁਕਰਵਾਰ ਨੂੰ ਸੰਸਦੀ ਕਮੇਟੀ ਨਾਲ ਗੱਲਬਾਤ ਕੀਤੀ। ਸੂਤਰਾਂ ਨੇ ਦਸਿਆ ਕਿ ਦੋਹਾਂ ਕਾਨੂੰਨਸ਼ਾਸਤਰੀਆਂ ਦਾ ਵਿਚਾਰ ਹੈ ਕਿ ‘ਇਕ ਰਾਸ਼ਟਰ ਇਕ ਚੋਣ’ ਦੀ ਧਾਰਨਾ ਸੰਵਿਧਾਨ ਦੇ ਬੁਨਿਆਦੀ ਢਾਂਚੇ ਦੀ ਉਲੰਘਣਾ ਨਹੀਂ ਹੈ ਪਰ ਉਨ੍ਹਾਂ ਨੇ ਪ੍ਰਸਤਾਵਿਤ ਕਾਨੂੰਨ ਵਿਚ ਚੋਣ ਕਮਿਸ਼ਨ ਨੂੰ ਦਿਤੀ ਗਈ ਸ਼ਕਤੀ ਦੀ ਹੱਦ ਉਤੇ ਸਵਾਲ ਚੁਕੇ ਹਨ।

ਉਨ੍ਹਾਂ ਨੇ ਦੇਸ਼ ਵਿਚ ਲੋਕਤੰਤਰ ਦੀ ਸੰਸਦੀ ਪ੍ਰਣਾਲੀ ਦੀ ਯਾਤਰਾ ਉਤੇ ਚਾਨਣਾ ਪਾਉਂਦਿਆਂ ਕੁੱਝ ਸੁਝਾਅ ਵੀ ਦਿਤੇ ਹਨ। ਭਾਜਪਾ ਸੰਸਦ ਮੈਂਬਰ ਪੀ.ਪੀ. ਚੌਧਰੀ ਦੀ ਅਗਵਾਈ ਵਾਲੀ ਸੰਸਦ ਦੀ ਸੰਯੁਕਤ ਕਮੇਟੀ ਬਿਲ ਉਤੇ ਅਪਣੀ ਸਿਫਾਰਸ਼ ਤਿਆਰ ਕਰਦੇ ਸਮੇਂ ਕਾਨੂੰਨ ਮਾਹਰਾਂ ਅਤੇ ਕਾਨੂੰਨੀ ਮਾਹਰਾਂ ਨਾਲ ਗੱਲ ਕਰ ਰਹੀ ਹੈ। ਭਾਰਤ ਦੇ ਦੋ ਹੋਰ ਸਾਬਕਾ ਚੀਫ ਜਸਟਿਸ ਯੂ.ਯੂ. ਲਲਿਤ ਅਤੇ ਰੰਜਨ ਗੋਗੋਈ ਪਹਿਲਾਂ ਵੀ ਕਮੇਟੀ ਦੇ ਸਾਹਮਣੇ ਪੇਸ਼ ਹੋ ਚੁਕੇ ਹਨ। ਹਾਲਾਂਕਿ ਦੋਹਾਂ ਨੇ ਇਕੋ ਸਮੇਂ ਚੋਣਾਂ ਕਰਵਾਉਣ ਦੀ ਸੰਵਿਧਾਨਕਤਾ ਉਤੇ ਸਵਾਲ ਨਹੀਂ ਉਠਾਇਆ, ਪਰ ਉਨ੍ਹਾਂ ਨੇ ਬਿਲ ਦੇ ਕੁੱਝ ਪਹਿਲੂਆਂ ਉਤੇ ਸਵਾਲ ਚੁਕੇ ਹਨ ਅਤੇ ਸੁਝਾਅ ਦਿਤੇ ਹਨ।

  #OneNationOneElection #Judiciary #JusticeKhehar #JusticeChandrachud #ParliamentCommittee #ElectionReform #IndianPolitics #LegalPerspective