ਨਹਿਰੂ ਨੇ ਵੰਦੇ ਮਾਤਰਮ ਨਾਲ ਧੋਖਾ ਕੀਤਾ : ਮੋਦੀ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇਕਿਹਾ ਕਿ ਪਹਿਲੇ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਨੇ ਮੁਸਲਿਮ ਲੀਗ ਦੇ ਦਬਾਅ ਹੇਠ ‘ਵੰਦੇ ਮਾਤਰਮ’ ਦੀ ਭਾਵਨਾ ਨਾਲ ਸਮਝੌਤਾ ਕਰਕੇ ਇਸ ਨਾਲ ‘ਧੋਖਾ’ ਕੀਤਾ।

ਉਨ੍ਹਾਂ ਕਿਹਾ ਕਿ ਬਾਅਦ ਵਿੱਚ ਕਾਂਗਰਸ ਦੀ ਤੁਸ਼ਟੀਕਰਨ (appeasement) ਦੀ ਨੀਤੀ ਨੇ ਦੇਸ਼ ਦੀ ਵੰਡ (Partition of India) ਨੂੰ ਵੀ ਸਵੀਕਾਰ ਕਰਵਾ ਦਿੱਤਾ।

ਅੱਜ ਲੋਕ ਸਭਾ ਵਿੱਚ ਰਾਸ਼ਟਰੀ ਗੀਤ ਦੀ 150ਵੀਂ ਵਰ੍ਹੇਗੰਢ ’ਤੇ ਇੱਕ ਵਿਸ਼ੇਸ਼ ਚਰਚਾ ਦੀ ਸ਼ੁਰੂਆਤ ਕਰਦਿਆਂ, ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਮੁਸਲਿਮ ਲੀਗ ਦੇ ਆਗੂ ਐਮ.ਏ. ਜਿਨਾਹ ਨੇ ਸਭ ਤੋਂ ਪਹਿਲਾਂ 15 ਅਕਤੂਬਰ 1937 ਨੂੰ ਲਖਨਊ ਤੋਂ ਵੰਦੇ ਮਾਤਰਮ ਦਾ ਵਿਰੋਧ ਤੇਜ਼ ਕੀਤਾ ਅਤੇ 20 ਅਕਤੂਬਰ ਨੂੰ, ਨਹਿਰੂ ਨੇ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਨੂੰ ਲਿਖਿਆ, ਜਿਸ ਵਿੱਚ ਜਿਨਾਹ ਦੀਆਂ ਭਾਵਨਾਵਾਂ ਨਾਲ ਸਹਿਮਤੀ ਪ੍ਰਗਟਾਈ ਗਈ ਅਤੇ ਨੋਟ ਕੀਤਾ ਗਿਆ ਕਿ ‘ਵੰਦੇ ਮਾਤਰਮ’ ਦੇ ‘ਆਨੰਦਮਠ’ ਪਿਛੋਕੜ ਵਿੱਚ ਮੁਸਲਮਾਨਾਂ ਨੂੰ ਪਰੇਸ਼ਾਨ ਕਰਨ ਦੀ ਸਮਰੱਥਾ ਹੈ।