ਡਾਕਟਰਾਂ ਦੀ ਘਾਟ ਕਾਰਨ ਪੀਸ ਆਰਚ ਹਸਪਤਾਲ ਦੀ Maternity Unit ਅਸਥਾਈ ਤੌਰ ’ਤੇ ਬੰਦ

ਬ੍ਰਿਟਿਸ਼ ਕੋਲੰਬੀਆ, ਫ੍ਰੇਜ਼ਰ ਹੈਲਥ ਨੇ ਜਾਣਕਾਰੀ ਦਿੱਤੀ ਹੈ ਕਿ ਵਾਈਟ ਰਾਕ ਦੇ ਪੀਸ ਆਰਚ ਹਸਪਤਾਲ ਦੀ ਮੈਟਰਨਿਟੀ ਯੂਨਿਟ ਇਸ ਮਹੀਨੇ ਦੂਜੀ ਵਾਰ ਅਸਥਾਈ ਤੌਰ ’ਤੇ ਬੰਦ ਰਹੇਗੀ। ਇਹ ਯੂਨਿਟ ਵੀਰਵਾਰ, 22 ਜਨਵਰੀ ਸਵੇਰੇ 8 ਵਜੇ ਤੋਂ ਸੋਮਵਾਰ, 26 ਜਨਵਰੀ ਸਵੇਰੇ 8 ਵਜੇ ਤੱਕ ਚਾਰ ਦਿਨਾਂ ਲਈ ਬੰਦ ਰਹੇਗੀ।ਹੈਲਥ ਅਥਾਰਟੀ ਮੁਤਾਬਕ, ਓਬੀਜੀਵਾਈਐਨ (OB-GYN) ਡਾਕਟਰਾਂ ਦੀ ਅਸਥਾਈ ਘਾਟ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ। ਇਸ ਦੌਰਾਨ ਗਰਭਵਤੀ ਮਹਿਲਾਵਾਂ ਅਤੇ ਪ੍ਰਸਵ ਪੀੜਾ ਵਿੱਚ ਰਹੀਆਂ ਮਰੀਜ਼ਾਂ ਨੂੰ ਨੇੜਲੇ ਹੋਰ ਹਸਪਤਾਲਾਂ ਵੱਲ ਰੈਫਰ ਕੀਤਾ ਜਾਵੇਗਾ।ਫ੍ਰੇਜ਼ਰ ਹੈਲਥ ਨੇ ਗਰਭਵਤੀ ਮਹਿਲਾਵਾਂ ਨੂੰ ਅਪੀਲ ਕੀਤੀ ਹੈ ਕਿ ਹਸਪਤਾਲ ਜਾਣ ਤੋਂ ਪਹਿਲਾਂ ਮੈਟਰਨਿਟੀ ਯੂਨਿਟ ਨਾਲ ਸੰਪਰਕ ਕੀਤਾ ਜਾਵੇ, ਤਾਂ ਜੋ ਉਨ੍ਹਾਂ ਨੂੰ ਸਹੀ ਦਿਸ਼ਾ-ਨਿਰਦੇਸ਼ ਮਿਲ ਸਕਣ।ਦੂਜੇ ਪਾਸੇ, ਬੀ.ਸੀ. ਦੀ ਓਬਸਟੈਟ੍ਰੀਸ਼ਨਜ਼ ਸੁਸਾਇਟੀ ਨੇ ਇਸ ਸਥਿਤੀ ਨੂੰ ਸੂਬੇ ਲਈ ਗੰਭੀਰ ਸੰਕਟ ਕਰਾਰ ਦਿੰਦਿਆਂ ਕਿਹਾ ਹੈ ਕਿ ਮਾਤਾ ਅਤੇ ਬੱਚੇ ਦੀ ਸਿਹਤ ਸੇਵਾਵਾਂ ’ਚ ਆ ਰਹੀ ਰੁਕਾਵਟ ਤੁਰੰਤ ਧਿਆਨ ਦੀ ਮੰਗ ਕਰਦੀ ਹੈ।