ਫੀਫਾ ਵਿਸ਼ਵ ਕੱਪ: ਦੂਜੇ ਸੈਮੀਫਾਈਨਲ ਵਿੱਚ ਅਰਜਨਟੀਨਾ ਤੇ ਇੰਗਲੈਂਡ ਦੀ ਟੱਕਰ ਅੱਜ

ਫੀਫਾ ਵਿਸ਼ਵ ਕੱਪ ਦੇ ਦੂਜੇ ਸੈਮੀਫਾਈਨਲ ਵਿੱਚ ਅਰਜਨਟੀਨਾ ਅਤੇ ਇੰਗਲੈਂਡ ਦੀਆਂ ਟੀਮਾਂ ਇੱਕ-ਦੂਜੇ ਨਾਲ ਭਿੜਨਗੀਆਂ। ਇਹ ਮੁਕਾਬਲਾ ਵੀਰਵਾਰ, 16 ਜੁਲਾਈ ਨੂੰ ਅਟਲਾਂਟਾ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਭਾਰਤੀ ਸਮੇਂ ਅਨੁਸਾਰ ਮੈਚ ਰਾਤ 12:30 ਵਜੇ ਸ਼ੁਰੂ ਹੋਵੇਗਾ। ਇਸ ਸੈਮੀਫਾਈਨਲ ਵਿੱਚ ਫੁੱਟਬਾਲ ਪ੍ਰੇਮੀਆਂ ਦੀਆਂ ਨਜ਼ਰਾਂ ਖ਼ਾਸ ਤੌਰ 'ਤੇ ਲਿਓਨਲ ਮੈਸੀ ਅਤੇ ਹੈਰੀ ਕੇਨ 'ਤੇ ਟਿਕੀਆਂ ਰਹਿਣਗੀਆਂ। ਮੈਸੀ ਨੇ ਮੌਜੂਦਾ ਵਿਸ਼ਵ ਕੱਪ ਵਿੱਚ ਹੁਣ ਤੱਕ 8 ਗੋਲ ਕਰਕੇ ਗੋਲਡਨ ਬੂਟ ਦੀ ਦੌੜ ਵਿੱਚ ਦੂਜਾ ਸਥਾਨ ਬਣਾਇਆ ਹੋਇਆ ਹੈ, ਜਦਕਿ ਇੰਗਲੈਂਡ ਦੇ ਕਪਤਾਨ ਹੈਰੀ ਕੇਨ ਦੇ ਨਾਮ 6 ਗੋਲ ਦਰਜ ਹਨ। ਅੰਤਰਰਾਸ਼ਟਰੀ ਫੁੱਟਬਾਲ ਵਿੱਚ ਦੋਵਾਂ ਟੀਮਾਂ ਵਿਚਾਲੇ ਹੁਣ ਤੱਕ 14 ਮੁਕਾਬਲੇ ਖੇਡੇ ਜਾ ਚੁੱਕੇ ਹਨ। ਇਨ੍ਹਾਂ ਵਿੱਚੋਂ ਇੰਗਲੈਂਡ ਨੇ 6, ਅਰਜਨਟੀਨਾ ਨੇ 3 ਮੈਚ ਜਿੱਤੇ ਹਨ, ਜਦਕਿ 5 ਮੈਚ ਡਰਾਅ ਰਹੇ ਹਨ। ਵਿਸ਼ਵ ਕੱਪ ਦੇ ਇਤਿਹਾਸ ਵਿੱਚ ਇਹ ਦੋਵਾਂ ਟੀਮਾਂ ਵਿਚਾਲੇ ਛੇਵਾਂ ਮੁਕਾਬਲਾ ਹੋਵੇਗਾ। ਇਸ ਤੋਂ ਪਹਿਲਾਂ ਹੋਏ ਪੰਜ ਵਿਸ਼ਵ ਕੱਪ ਮੁਕਾਬਲਿਆਂ ਵਿੱਚ ਇੰਗਲੈਂਡ ਨੇ 3 ਅਤੇ ਅਰਜਨਟੀਨਾ ਨੇ 2 ਮੈਚ ਆਪਣੇ ਨਾਮ ਕੀਤੇ ਹਨ। ਸੰਭਾਵਿਤ ਪਲੇਇੰਗ ਇਲੈਵਨ ਇੰਗਲੈਂਡ: ਜੌਰਡਨ ਪਿਕਫੋਰਡ, ਕਾਈਲ ਵਾਕਰ, ਜੌਨ ਸਟੋਨਸ, ਮਾਰਕ ਗੁਏਹੀ, ਕੀਰਨ ਟ੍ਰਿਪੀਅਰ, ਡੇਕਲਨ ਰਾਈਸ, ਕੋਬੀ ਮੇਨੂ, ਬੁਕਾਯੋ ਸਾਕਾ, ਜੂਡ ਬੇਲਿੰਘਮ, ਫਿਲ ਫੋਡੇਨ, ਹੈਰੀ ਕੇਨ। ਅਰਜਨਟੀਨਾ: ਐਮੀ ਮਾਰਟੀਨੇਜ਼, ਨਾਹੂਏਲ ਮੋਲੀਨਾ, ਕ੍ਰਿਸਟੀਅਨ ਰੋਮੇਰੋ, ਨਿਕੋਲਸ ਓਟਾਮੇਂਡੀ, ਨਿਕੋਲਸ ਟੈਗਲੀਆਫਿਕੋ, ਰੋਡਰੀਗੋ ਡੀ ਪਾਲ, ਐਂਜ਼ੋ ਫਰਨਾਂਡੇਜ਼, ਅਲੈਕਸਿਸ ਮੈਕ ਐਲੀਸਟਰ, ਲਿਓਨਲ ਮੈਸੀ, ਜੂਲੀਅਨ ਅਲਵਾਰੇਜ਼, ਨਿਕੋਲਸ ਗੋਂਜ਼ਾਲੇਜ਼।