ਵਿਜੇ ਰੂਪਾਣੀ ਨੇ ਲੰਡਨ ਯਾਤਰਾ ਕਿਉਂ ਕੀਤੀ ਰੱਦ? ਕਾਰਨ ਆਇਆ ਸਾਹਮਣੇ

ਗੁਜਰਾਤ : ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਪੰਜਾਬ ਭਾਜਪਾ ਇੰਚਾਰਜ ਵਿਜੇ ਰੂਪਾਣੀ ਦੀ ਅਹਿਮਦਾਬਾਦ ਵਿੱਚ ਇੱਕ ਹਾਦਸੇ ਵਿੱਚ ਹੋਈ ਮੌਤ 'ਤੇ ਦੇਸ਼ ਭਰ ਵਿੱਚ ਸੋਗ ਦੀ ਲਹਿਰ ਹੈ। ਜਾਣਕਾਰੀ ਅਨੁਸਾਰ ਵਿਜੇ ਰੂਪਾਣੀ ਨੇ 5 ਜੂਨ ਨੂੰ ਆਪਣੀ ਪਤਨੀ ਨਾਲ ਇੰਗਲੈਂਡ ਜਾਣਾ ਸੀ, ਪਰ ਲੁਧਿਆਣਾ ਪੱਛਮੀ ਵਿਧਾਨ ਸਭਾ ਹਲਕੇ ਵਿੱਚ ਉਪ ਚੋਣ ਕਾਰਨ ਉਨ੍ਹਾਂ ਨੇ ਆਪਣੀ ਯਾਤਰਾ 12 ਜੂਨ ਤੱਕ ਮੁਲਤਵੀ ਕਰ ਦਿੱਤੀ।

ਵਿਜੇ ਰੂਪਾਣੀ 1 ਜੂਨ ਨੂੰ ਚੰਡੀਗੜ੍ਹ ਆਏ ਸਨ। 2 ਜੂਨ ਨੂੰ, ਉਹ ਲੁਧਿਆਣਾ ਪੱਛਮੀ ਵਿਧਾਨ ਸਭਾ ਹਲਕੇ ਤੋਂ ਭਾਜਪਾ ਉਮੀਦਵਾਰ ਜੀਵਨ ਗੁਪਤਾ ਦੇ ਨਾਮਜ਼ਦਗੀ ਪੱਤਰ ਵਿੱਚ ਸ਼ਾਮਲ ਹੋਏ। ਉਹ 4 ਜੂਨ ਨੂੰ ਗੁਜਰਾਤ ਵਾਪਸ ਆਉਣ ਵਾਲੇ ਸਨ ਕਿਉਂਕਿ ਉਨ੍ਹਾਂ ਨੇ 5 ਜੂਨ ਨੂੰ ਇੰਗਲੈਂਡ ਜਾਣਾ ਸੀ, ਪਰ ਪਾਰਟੀ ਦੇ ਨਿਰਦੇਸ਼ਾਂ 'ਤੇ, ਉਨ੍ਹਾਂ ਨੇ ਆਪਣੀ ਯਾਤਰਾ ਮੁਲਤਵੀ ਕਰ ਦਿੱਤੀ।

ਇਸ ਤੋਂ ਬਾਅਦ, ਉਹ ਲਗਾਤਾਰ ਲੁਧਿਆਣਾ ਵਿੱਚ ਰਹਿ ਰਹੇ ਸਨ। 9 ਜੂਨ ਨੂੰ, ਰੂਪਾਣੀ ਗੁਜਰਾਤ ਵਾਪਸ ਚਲੇ ਗਏ ਸਨ ਜਿਥੇ ਉਹ 12 ਜੂਨ ਨੂੰ ਲੰਡਨ ਲਈ ਰਵਾਨਾ ਹੋਏ ਪਰ ਹੋਣੀ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ। ਭਿਆਨਕ ਜਹਾਜ਼ ਹਾਦਸੇ ਵਿਚ ਵਿਜੇ ਰੂਪਾਣੀ ਦੀ ਵੀ ਮੌਤ ਹੋ ਗਈ ਭਾਜਪਾ ਦੇ ਸੂਬਾ ਪ੍ਰਧਾਨ ਸੁਨੀਲ ਜਾਖੜ ਨੇ ਕਿਹਾ ਕਿ ਵਿਜੇ ਰੂਪਾਣੀ ਨਾ ਸਿਰਫ਼ ਜ਼ਮੀਨੀ ਪੱਧਰ ਨਾਲ ਜੁੜੇ ਨੇਤਾ ਸਨ, ਸਗੋਂ ਇੱਕ ਸੰਜੀਦਾ ਸ਼ਖ਼ਸੀਅਤ ਵੀ ਸਨ।

ਉਨ੍ਹਾਂ ਦੇ ਦਿਹਾਂਤ ਨਾਲ ਨਿੱਜੀ ਘਾਟਾ ਪਿਆ ਹੈ। ਪਠਾਨਕੋਟ ਦੇ ਵਿਧਾਇਕ ਅਤੇ ਸਾਬਕਾ ਸੂਬਾ ਪ੍ਰਧਾਨ ਅਸ਼ਵਨੀ ਸ਼ਰਮਾ ਨੇ ਕਿਹਾ ਕਿ ਰੂਪਾਣੀ ਜੀ ਦੇ ਦੇਹਾਂਤ ਨਾਲ ਪੰਜਾਬ ਭਾਜਪਾ ਨੂੰ ਬਹੁਤ ਵੱਡਾ ਘਾਟਾ ਪਿਆ ਹੈ। ਪਾਰਟੀ ਵਰਕਰਾਂ ਦੇ ਦਿਲਾਂ ਵਿੱਚ ਉਨ੍ਹਾਂ ਦਾ ਵਿਸ਼ੇਸ਼ ਸਥਾਨ ਸੀ।

#VijayRupani #LondonTripCancelled #PoliticalUpdate #GujaratPolitics #RupaniTravelPlans #BreakingNews #LastMinuteChange #IndianPolitics