ਸ਼ਾਰਟ ਟ੍ਰੈਕ ਸਪੀਡ ਸਕੇਟਿੰਗ: ਕੈਨੇਡਾ ਦੀ ਟੀਮ ਨੇ ਜਿੱਤਿਆ ਬਰਾਂਜ਼ ਮੈਡਲ

Milano Cortina 2026 Winter Olympics ਦੌਰਾਨ ਮਹਿਲਾ 3,000 ਮੀਟਰ ਸ਼ਾਰਟ ਟ੍ਰੈਕ ਸਪੀਡ ਸਕੇਟਿੰਗ ਰੀਲੇ ਵਿੱਚ ਕੈਨੇਡਾ ਨੇ ਕਾਂਸੀ ਦਾ ਤਮਗਾ ਆਪਣੇ ਨਾਮ ਕੀਤਾ ਹੈ। ਰੋਮਾਂਚ ਨਾਲ ਭਰੇ ਇਸ ਮੁਕਾਬਲੇ ਵਿੱਚ ਕੈਨੇਡਾ ਦੀ ਟੀਮ ਨੇ ਅਖੀਰ ਤੱਕ ਕੜੀ ਟੱਕਰ ਦਿੱਤੀ ਅਤੇ 4 ਮਿੰਟ 4.314 ਸਕਿੰਟ ਦੇ ਸਮੇਂ ਨਾਲ ਤੀਜੇ ਸਥਾਨ ’ਤੇ ਰਹੀ। ਕੈਨੇਡਾ ਦੀ ਟੀਮ ਵਿੱਚ Danae Blais, Florence Brunelle, Kim Boutin ਅਤੇ Courtney Sarault ਸ਼ਾਮਲ ਸਨ। ਟੀਮ ਦੌੜ ਦੇ ਵੱਡੇ ਹਿੱਸੇ ਦੌਰਾਨ ਅੱਗੇ ਰਹੀ, ਪਰ ਅੰਤਿਮ ਚੱਕਰਾਂ ਵਿੱਚ ਮੁਕਾਬਲਾ ਕਾਫ਼ੀ ਤੇਜ਼ ਹੋ ਗਿਆ, ਜਿਸ ਕਾਰਨ ਉਹ ਗੋਲਡ ਮੈਡਲ ਹਾਸਲ ਕਰਨ ਤੋਂ ਰਹਿ ਗਈ। ਗੋਲਡ ਮੈਡਲ South Korea ਦੀ ਟੀਮ ਨੇ ਜਿੱਤਿਆ, ਜਦਕਿ ਮੇਜ਼ਬਾਨ Italy ਨੇ ਦੂਜਾ ਸਥਾਨ ਹਾਸਲ ਕਰਦੇ ਹੋਏ ਚਾਂਦੀ ਦਾ ਤਮਗਾ ਆਪਣੇ ਨਾਮ ਕੀਤਾ। ਦੌੜ ਦੌਰਾਨ ਨੀਦਰਲੈਂਡ ਨਾਲ ਸੰਭਾਵਿਤ ਟੱਕਰ ਤੋਂ ਬਚਣ ਦੇ ਬਾਵਜੂਦ, ਡਨੇ ਬਲੇਸ ਦੀ ਹਲਕੀ ਫਿਸਲਣ ਕਾਰਨ ਕੈਨੇਡਾ ਦੀ ਗੋਲਡ ਦੀ ਉਮੀਦਾਂ ਨੂੰ ਝਟਕਾ ਲੱਗਾ। ਇਸ ਤਮਗੇ ਨਾਲ ਕੋਰਟਨੀ ਸਰਾਲਟ ਲਈ ਇਹ ਇਨ੍ਹਾਂ ਖੇਡਾਂ ਦਾ ਚੌਥਾ ਤਮਗਾ ਬਣ ਗਿਆ ਹੈ, ਜਦਕਿ ਕਿਮ ਬੂਟਿਨ ਨੇ ਆਪਣਾ ਛੇਵਾਂ ਓਲੰਪਿਕ ਤਮਗਾ ਜਿੱਤ ਕੇ ਇੱਕ ਹੋਰ ਉਪਲਬਧੀ ਹਾਸਲ ਕੀਤੀ ਹੈ। ਇਹ ਕੈਨੇਡਾ ਦਾ ਕੁੱਲ 13ਵਾਂ ਤਮਗਾ ਹੈ, ਜਿਸ ਨਾਲ ਦੇਸ਼ ਦੀ ਓਲੰਪਿਕ ਮੁਹਿੰਮ ਹੋਰ ਮਜ਼ਬੂਤ ਹੋ ਗਈ ਹੈ।