ਏਸ਼ੀਆਈ ਖੇਡਾਂ 2026 ਵਿੱਚ ਭਾਰਤੀ ਨਿਸ਼ਾਨੇਬਾਜ਼ਾਂ ਨੇ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਦਿਆਂ ਦੇਸ਼ ਦੀ ਝੋਲੀ ਵਿੱਚ ਇੱਕ ਹੋਰ ਸੋਨੇ ਦਾ ਤਗ਼ਮਾ ਪਾਇਆ ਹੈ। 10 ਮੀਟਰ ਏਅਰ ਪਿਸਤੌਲ ਮਿਕਸਡ ਟੀਮ ਮੁਕਾਬਲੇ ਵਿੱਚ ਭਾਰਤ ਦੀ ਸੁਰੂਚੀ ਸਿੰਘ ਅਤੇ ਕਮਲਜੀਤ ਦੀ ਜੋੜੀ ਨੇ ਬਹਤਰੀਨ ਖੇਡ ਦਾ ਮੁਜ਼ਾਹਰਾ ਕਰਦੇ ਹੋਏ ਸੋਨ ਤਗ਼ਮਾ ਆਪਣੇ ਨਾਂ ਕੀਤਾ। ਇਸ ਤੋਂ ਇਲਾਵਾ ਪੁਰਸ਼ਾਂ ਦੇ 50 ਮੀਟਰ ਰਾਈਫਲ 3 ਪੋਜੀਸ਼ਨਜ਼ (3P) ਟੀਮ ਮੁਕਾਬਲੇ ਵਿੱਚ ਵੀ ਭਾਰਤ ਨੇ ਚਾਂਦੀ ਦਾ ਤਗ਼ਮਾ ਜਿੱਤ ਕੇ ਵੱਡੀ ਸਫ਼ਲਤਾ ਹਾਸਲ ਕੀਤੀ ਹੈ। ਵਿਅਕਤੀਗਤ ਨਿਰਾਸ਼ਾ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਇਸ ਮੁਕਾਬਲੇ ਤੋਂ ਪਹਿਲਾਂ ਵਿਅਕਤੀਗਤ ਈਵੈਂਟਾਂ ਵਿੱਚ ਦੋਵਾਂ ਖਿਡਾਰੀਆਂ ਦਾ ਪ੍ਰਦਰਸ਼ਨ ਨਿਰਾਸ਼ਾਜਨਕ ਰਿਹਾ ਸੀ, ਜਿੱਥੇ ਕਮਲਜੀਤ ਨੌਵੇਂ ਅਤੇ ਸੁਰੂਚੀ 26ਵੇਂ ਸਥਾਨ 'ਤੇ ਰਹਿ ਕੇ ਫਾਈਨਲ ਤੋਂ ਬਾਹਰ ਹੋ ਗਏ ਸਨ। ਇਸ ਤੋਂ ਇਲਾਵਾ ਭਾਰਤ ਪੁਰਸ਼ ਅਤੇ ਮਹਿਲਾ ਟੀਮ ਮੁਕਾਬਲਿਆਂ ਵਿੱਚ ਵੀ ਤਗ਼ਮੇ ਤੋਂ ਵਾਂਝਾ ਰਿਹਾ ਸੀ। ਹਾਲਾਂਕਿ, 10 ਮੀਟਰ ਏਅਰ ਪਿਸਤੌਲ ਵਿੱਚ ਤਗ਼ਮਾ ਜਿੱਤਣ ਦੇ ਆਖਰੀ ਮੌਕੇ ਨੂੰ ਭਾਰਤੀ ਜੋੜੀ ਨੇ ਖੋਹਣ ਨਹੀਂ ਦਿੱਤਾ ਅਤੇ ਕੁਆਲੀਫਿਕੇਸ਼ਨ ਗੇੜ ਤੋਂ ਹੀ ਸਿਖਰ 'ਤੇ ਰਹਿੰਦਿਆਂ ਫਾਈਨਲ ਵਿੱਚ ਜਗ੍ਹਾ ਬਣਾਈ। ਫਾਈਨਲ ਵਿੱਚ ਭਾਰਤੀ ਜੋੜੀ ਦਾ ਦਬਦਬਾ ਫਾਈਨਲ ਮੁਕਾਬਲੇ ਵਿੱਚ ਕਮਲਜੀਤ ਅਤੇ ਸੁਰੂਚੀ ਸਿੰਘ ਨੇ ਕੁੱਲ 484.6 ਅੰਕ ਹਾਸਲ ਕਰਕੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਦੱਖਣੀ ਕੋਰੀਆ ਦੇ ਸੁਹਿਯੋਨ ਹੋਂਗ ਅਤੇ ਗਾਏਉਨ ਚੂ ਦੀ ਜੋੜੀ 478.0 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਰਹੀ ਅਤੇ ਉਨ੍ਹਾਂ ਨੂੰ ਚਾਂਦੀ ਦੇ ਤਗ਼ਮੇ ਨਾਲ ਸੰਤੋਖ ਕਰਨਾ ਪਿਆ। ਭਾਰਤੀ ਜੋੜੀ ਨੇ ਕੋਰੀਆਈ ਵਿਰੋਧੀਆਂ 'ਤੇ 6.6 ਅੰਕਾਂ ਦੀ ਵੱਡੀ ਲੀਡ ਬਣਾ ਕੇ ਇੱਕਤਰਫ਼ਾ ਜਿੱਤ ਦਰਜ ਕੀਤੀ। ਇਸ ਈਵੈਂਟ ਵਿੱਚ ਈਰਾਨ ਦੀ ਟੀਮ ਨੇ 415.8 ਅੰਕਾਂ ਨਾਲ ਕਾਂਸੀ ਦਾ ਤਗ਼ਮਾ ਜਿੱਤਿਆ। 3P ਰਾਈਫਲ ਟੀਮ ਨੇ ਜਿੱਤਿਆ ਚਾਂਦੀ ਦਾ ਤਗ਼ਮਾ ਇੱਕ ਹੋਰ ਅਹਿਮ ਮੁਕਾਬਲੇ ਵਿੱਚ, ਐਸ਼ਵਰਿਆ ਪ੍ਰਤਾਪ ਸਿੰਘ ਤੋਮਰ, ਰੁਦ੍ਰਕਸ਼ ਪਾਟਿਲ ਅਤੇ ਨੀਰਜ ਕੁਮਾਰ ਦੀ ਭਾਰਤੀ ਤਿੱਕੜੀ ਨੇ ਪੁਰਸ਼ਾਂ ਦੀ 50 ਮੀਟਰ ਰਾਈਫਲ 3 ਪੋਜੀਸ਼ਨਜ਼ ਟੀਮ ਈਵੈਂਟ ਵਿੱਚ 1762 ਅੰਕ ਬਣਾ ਕੇ ਚਾਂਦੀ ਦਾ ਤਗ਼ਮਾ ਆਪਣੇ ਨਾਂ ਕੀਤਾ। ਇਸ ਮੁਕਾਬਲੇ ਵਿੱਚ ਚੀਨ ਨੇ 1766 ਅੰਕਾਂ ਨਾਲ ਸੋਨਾ ਅਤੇ ਦੱਖਣੀ ਕੋਰੀਆ ਨੇ 1751 ਅੰਕਾਂ ਨਾਲ ਕਾਂਸੀ ਦਾ ਤਗ਼ਮਾ ਜਿੱਤਿਆ। ਵਿਅਕਤੀਗਤ ਫਾਈਨਲ ਵਿੱਚ ਪਹੁੰਚੇ ਤੋਮਰ ਅਤੇ ਨੀਰਜ ਟੀਮ ਤਗ਼ਮੇ ਤੋਂ ਇਲਾਵਾ, ਐਸ਼ਵਰਿਆ ਪ੍ਰਤਾਪ ਸਿੰਘ ਤੋਮਰ (589 ਅੰਕ) ਅਤੇ ਨੀਰਜ ਕੁਮਾਰ (588 ਅੰਕ) ਨੇ ਕ੍ਰਮਵਾਰ ਤੀਜੇ ਅਤੇ ਚੌਥੇ ਸਥਾਨ 'ਤੇ ਰਹਿੰਦਿਆਂ 3P ਦੇ ਵਿਅਕਤੀਗਤ ਫਾਈਨਲ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਨਿਯਮਾਂ ਅਨੁਸਾਰ ਇੱਕ ਦੇਸ਼ ਤੋਂ ਸਿਰਫ਼ ਦੋ ਹੀ ਖਿਡਾਰੀ ਫਾਈਨਲ ਵਿੱਚ ਜਾ ਸਕਦੇ ਹਨ, ਇਸ ਲਈ ਵਧੀਆ ਪ੍ਰਦਰਸ਼ਨ ਦੇ ਬਾਵਜੂਦ ਰੁਦ੍ਰਕਸ਼ ਪਾਟਿਲ ਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਗਏ।ਏਸ਼ੀਆਈ ਖੇਡਾਂ 2026: ਨਿਸ਼ਾਨੇਬਾਜ਼ੀ 'ਚ ਭਾਰਤ ਦਾ ਧਮਾਲ; ਕਮਲਜੀਤ-ਸੁਰੂਚੀ ਨੇ ਜਿੱਤਿਆ ਸੋਨਾ, ਰਾਈਫਲ ਟੀਮ ਨੇ ਝੋਲੀ ਪਾਇਆ ਚਾਂਦੀ ਦਾ ਤਗ਼ਮਾ