Kumkum Bhagya ਸਿਤਾਰੇ ਜ਼ੀਸ਼ਾਨ ਖਾਨ ਨੂੰ ਹਾਦਸੇ ਨੇ ਹਿਲਾ ਦਿੱਤਾ

ਬਿੱਗ ਬੌਸ ਓਟੀਟੀ ਅਤੇ ਟੀਵੀ ਸੀਰੀਅਲ ਕੁਮਕੁਮ ਭਾਗਿਆ (Kumkum Bhagya) ਵਿੱਚ ਨਜ਼ਰ ਆ ਚੁੱਕੇ ਅਦਾਕਾਰ ਜ਼ੀਸ਼ਾਨ ਖਾਨ ਨਾਲ ਇੱਕ ਭਿਆਨਕ ਹਾਦਸਾ ਵਾਪਰਿਆ ਹੈ। ਖੁਸ਼ਕਿਸਮਤੀ ਨਾਲ ਉਹ ਵਾਲ-ਵਾਲ ਬਚ ਗਏ ਅਤੇ ਸੁਰੱਖਿਅਤ ਹਨ। ਪਰ ਹਾਦਸਾ ਇੰਨਾ ਗੰਭੀਰ ਸੀ ਕਿ ਉਨ੍ਹਾਂ ਦੀ ਕਾਰ ਪੂਰੀ ਤਰ੍ਹਾਂ ਨੁਕਸਾਨੀ ਗਈ।

‘ਬਾਲੀਵੁੱਡ ਬੱਬਲ’ ਦੇ ਅਨੁਸਾਰ, ਇਹ ਹਾਦਸਾ 8 ਦਸੰਬਰ ਨੂੰ ਰਾਤ 8:30 ਵਜੇ ਦੇ ਕਰੀਬ ਮੁੰਬਈ ਦੇ ਵਰਸੋਵਾ ਵਿੱਚ ਵਾਪਰਿਆ। ਜ਼ੀਸ਼ਾਨ ਦੀ ਕਾਲੀ ਕਾਰ ਦੀ ਇੱਕ ਹੋਰ ਕਾਰ ਨਾਲ ਸਿੱਧੀ ਟੱਕਰ ਹੋਣ ਦੀ ਖ਼ਬਰ ਹੈ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਉਨ੍ਹਾਂ ਦੀ ਕਾਰ ਦੇ ਏਅਰਬੈਗ ਖੁੱਲ੍ਹ ਗਏ। ਅਦਾਕਾਰ ਨੇ ਪੁਲਿਸ ਸ਼ਿਕਾਇਤ ਦਰਜ ਕਰਵਾਈ ਹੈ, ਪਰ ਫਿਲਹਾਲ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ ਕਿ ਪੁਲਿਸ ਨੇ ਰਿਪੋਰਟ ਦਰਜ ਕੀਤੀ ਹੈ ਜਾਂ ਨਹੀਂ।

ਦੱਸ ਦਈਏ ਕਿ ਜ਼ੀਸ਼ਾਨ (Kumkum Bhagya) ਨੇ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ 2015 ਵਿੱਚ ਸਟਾਰ ਪਲੱਸ ਦੇ ਸ਼ੋਅ ‘ਕੁਛ ਤੋ ਹੈ ਤੇਰੇ ਮੇਰੇ ਦਰਮਿਆਨ’ ਨਾਲ ਕੀਤੀ ਸੀ। ਫਿਰ ਉਹ ਸੋਨੀ ਟੀਵੀ ਦੇ ਪਰਵਾਰਿਸ਼ ਸੀਜ਼ਨ 2 ਵਿੱਚ ਨਜ਼ਰ ਆਇਆ। ਜ਼ੀਸ਼ਾਨ ਨੇ ਜ਼ੀ ਟੀਵੀ ਦੇ ਸ਼ੋਅ ਕੁਮਕੁਮ ਭਾਗਿਆ ਵਿੱਚ ਆਰੀਅਨ ਖੰਨਾ ਦੀ ਭੂਮਿਕਾ ਨਿਭਾਈ ਸੀ।