ਅੰਡਰ ਵਾਟਰ ਮੈਟਰੋ ਦੇ ਉਦਘਾਟਨ 'ਚ ਮਮਤਾ ਬੈਨਰਜੀ ਨੂੰ ਨਹੀਂ ਦਿੱਤਾ ਸੱਦਾ

ਕੋਲਕਾਤਾ, 13 ਫਰਵਰੀ - ਕੋਲਕਾਤਾ ਦੇ ਲੋਕਾਂ ਨੂੰ ਅੱਜ ਲੰਬੇ ਇੰਤਜ਼ਾਰ ਮਗਰੋਂ ਈਸਟ-ਵੈਸਟ ਪ੍ਰਾਜੈਕਟ ਦੀ ਸੌਗਾਤ ਮਿਲਣ ਜਾ ਰਹੀ ਹੈ। ਰੇਲ ਮੰਤਰੀ ਪਿਓਸ਼ ਗੋਇਲ ਅੱਜ ਸ਼ਾਮ ਇਸ ਨੂੰ ਹਰੀ ਝੰਡੀ ਦਿਖਾਉਣਗੇ। ਇਹ ਪ੍ਰਾਜੈਕਟ ਕਰੀਬ 16 ਕਿਲੋਮੀਟਰ ਲੰਬਾ ਹੈ, ਜੋ ਸਾਲਟ ਲੇਕ ਸਟੇਡੀਅਮ ਤੋਂ ਹਾਵੜਾ ਮੈਦਾਨ ਤੱਕ ਫੈਲਿਆ ਹੈ। ਮੈਟਰੋ ਨੂੰ ਹਰੀ ਝੰਡੀ ਦਿਖਾਉਣ ਤੋਂ ਪਹਿਲਾ ਹੀ ਇਸ 'ਤੇ ਵਿਵਾਦ ਖੜਾ ਹੋ ਗਿਆ ਹੈ। ਵਿਵਾਦ ਇਸ ਗੱਲ ਨੂੰ ਲੈ ਕੇ ਹੈ ਕਿ ਉਦਘਾਟਨ ਕਾਰਡ 'ਤੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦਾ ਨਾਮ ਨਹੀਂ ਹੈ। ਇਸ ਗੱਲ ਨੂੰ ਲੈ ਕੇ ਟੀ.ਐਮ.ਸੀ. ਸਮੇਤ ਮਮਤਾ ਬੈਨਰਜੀ ਵੀ ਨਾਰਾਜ਼ ਹੈ।