ਪ੍ਰਧਾਨ ਮੰਤਰੀ ਮੋਦੀ ਦਾ UAE ਦੌਰਾ, ਰਾਸ਼ਟਰਪਤੀ ਨੇ ਕੀਤਾ ਭਰਪੂਰ ਸਵਾਗਤ

ਪ੍ਰਧਾਨ ਮੰਤਰੀ Narendra Modi ਅੱਜ ਸੰਯੁਕਤ ਅਰਬ ਅਮੀਰਾਤ United Arab Emirates ਦੀ ਰਾਜਧਾਨੀ Abu Dhabi ਪਹੁੰਚੇ। ਉੱਥੇ ਯੂਏਈ ਦੇ ਰਾਸ਼ਟਰਪਤੀ Mohamed bin Zayed Al Nahyan ਨੇ ਉਨ੍ਹਾਂ ਦਾ ਨਿੱਘੇ ਤਰੀਕੇ ਨਾਲ ਸਵਾਗਤ ਕੀਤਾ। ਅਬੂ ਧਾਬੀ ਪਹੁੰਚਣ ‘ਤੇ ਪ੍ਰਧਾਨ ਮੰਤਰੀ ਮੋਦੀ ਨੇ ਯੂਏਈ ਦੇ ਰਾਸ਼ਟਰਪਤੀ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਆਪਣੇ “ਦੂਜੇ ਘਰ” ਆਏ ਹਨ। ਦੁਵੱਲੀ ਬੈਠਕ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਇਹ ਭਾਵਨਾ ਉਨ੍ਹਾਂ ਦੀ ਜ਼ਿੰਦਗੀ ਦੀ ਵੱਡੀ ਪੂੰਜੀ ਹੈ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਯੂਏਈ ਏਅਰਫੋਰਸ ਵੱਲੋਂ ਦਿੱਤਾ ਗਿਆ ਐਸਕਾਰਟ ਭਾਰਤ ਦੀ ਜਨਤਾ ਦਾ ਸਨਮਾਨ ਹੈ। ਇਸ ਤੋਂ ਬਾਅਦ ਦੋਵੇਂ ਦੇਸ਼ਾਂ ਦੇ ਆਗੂਆਂ ਵਿਚਾਲੇ ਉੱਚ ਪੱਧਰੀ ਦੁਵੱਲੀ ਬੈਠਕ ਹੋਈ, ਜਿਸ ਵਿੱਚ ਰੱਖਿਆ, ਊਰਜਾ ਅਤੇ ਨਿਵੇਸ਼ ਨਾਲ ਜੁੜੇ ਕਈ ਅਹਿਮ ਸਮਝੌਤਿਆਂ ‘ਤੇ ਮੋਹਰ ਲੱਗੀ। ਜਾਣਕਾਰੀ ਅਨੁਸਾਰ ਭਾਰਤ ਅਤੇ ਯੂਏਈ ਵਿਚਾਲੇ ਰਣਨੀਤਕ ਰੱਖਿਆ ਭਾਈਵਾਲੀ ਲਈ ਇੱਕ ਵਿਸ਼ੇਸ਼ ਫਰੇਮਵਰਕ ‘ਤੇ ਸਮਝੌਤਾ ਕੀਤਾ ਗਿਆ ਹੈ। ਦੋਵੇਂ ਦੇਸ਼ਾਂ ਵਿਚਾਲੇ ਐਲਪੀਜੀ (LPG) ਸਪਲਾਈ ਨਾਲ ਸੰਬੰਧਤ ਇੱਕ ਮਹੱਤਵਪੂਰਨ ਸਮਝੌਤਾ ਵੀ ਹੋਇਆ ਹੈ। ਇਹ ਸਮਝੌਤੇ ਰੱਖਿਆ, ਊਰਜਾ, ਨਿਵੇਸ਼ ਅਤੇ ਇੰਫਰਾਸਟਰਕਚਰ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ਵਾਲੇ ਮੰਨੇ ਜਾ ਰਹੇ ਹਨ। ਇਸ ਤੋਂ ਇਲਾਵਾ ਰਣਨੀਤਕ ਪੈਟਰੋਲੀਅਮ ਭੰਡਾਰ ਨੂੰ ਲੈ ਕੇ ਵੀ ਇੱਕ ਐਮਓਯੂ ‘ਤੇ ਦਸਤਖਤ ਕੀਤੇ ਗਏ। ਵਡੀਨਾਰ ਵਿੱਚ ਸ਼ਿਪ ਰਿਪੇਅਰ ਕਲਸਟਰ ਸਥਾਪਤ ਕਰਨ ਲਈ ਵੀ ਦੋਵਾਂ ਦੇਸ਼ਾਂ ਵਿਚਾਲੇ ਸਮਝੌਤਾ ਹੋਇਆ ਹੈ। ਯੂਏਈ ਵੱਲੋਂ ਭਾਰਤੀ ਇੰਫਰਾਸਟਰਕਚਰ, ਆਰਬੀਐਲ (RBL) ਬੈਂਕ ਅਤੇ ਸੰਮਾਨ ਕੈਪੀਟਲ ਵਿੱਚ 5 ਅਰਬ ਡਾਲਰ ਦੇ ਨਿਵੇਸ਼ ਦਾ ਵੀ ਐਲਾਨ ਕੀਤਾ ਗਿਆ ਹੈ। ਇਸ ਨਿਵੇਸ਼ ਨੂੰ ਦੋਵੇਂ ਦੇਸ਼ਾਂ ਵਿਚਾਲੇ ਆਰਥਿਕ ਅਤੇ ਰਣਨੀਤਕ ਸਾਂਝ ਨੂੰ ਹੋਰ ਮਜ਼ਬੂਤ ਕਰਨ ਵਾਲਾ ਕਦਮ ਮੰਨਿਆ ਜਾ ਰਿਹਾ ਹੈ।