ਭਾਰਤੀ ਕ੍ਰਿਕਟ ਬੋਰਡ (BCCI) ਏਸ਼ੀਆ ਕੱਪ ਜਿੱਤਣ ਵਾਲੀ ਭਾਰਤੀ ਕ੍ਰਿਕਟ ਟੀਮ ਤੇ ਸਹਿਯੋਗੀ ਸਟਾਫ਼ ਨੂੰ 21 ਕਰੋੜ ਰੁਪਏ ਦਾ ਪੁਰਸਕਾਰ ਦੇਵੇਗਾ। ਦੁਬਈ ਵਿੱਚ ਏਸ਼ੀਆ ਕੱਪ ਦੇ ਖਿਤਾਬੀ ਮੁਕਾਬਲੇ ਵਿੱਚ ਪਾਕਿਸਤਾਨ ਉੱਤੇ ਭਾਰਤ ਦੀ ਜਿੱਤ ਤੋਂ ਬਾਅਦ ਬੋਰਡ ਨੇ ਆਪਣੇ ਵੱਖ-ਵੱਖ ਸੋਸ਼ਲ ਮੀਡੀਆ ਪੇਜਾਂ ’ਤੇ ਇਹ ਐਲਾਨ ਕੀਤਾ।

ਪਾਕਿਸਤਾਨ ਉੱਤੇ ਜਿੱਤ ਦੀ ਹੈਟ੍ਰਿਕ ਦਾ ਹਵਾਲਾ ਦਿੰਦੇ ਹੋਏ, ਬੋਰਡ ਨੇ ਲਿਖਿਆ, ‘‘ਤਿੰਨ ਝਟਕੇ, ਜ਼ੀਰੋ ਜਵਾਬ। ਏਸ਼ੀਆ ਕੱਪ ਚੈਂਪੀਅਨ। ਸੁਨੇਹਾ ਭੇਜਿਆ ਗਿਆ ਹੈ। ਟੀਮ ਅਤੇ ਸਹਾਇਕ ਸਟਾਫ ਲਈ ₹21 ਕਰੋੜ ਦਾ ਇਨਾਮ।’’ ਬੋਰਡ ਨੇ ਹਾਲਾਂਕਿ ਇਹ ਨਹੀਂ ਦੱਸਿਆ ਕਿ ਕਿਸ ਨੂੰ ਕਿੰਨੀ ਪੁਰਸਕਾਰ ਰਾਸ਼ੀ ਮਿਲੇਗੀ।

ਬੋਰਡ ਦੇ ਉਪ-ਪ੍ਰਧਾਨ ਰਾਜੀਵ ਸ਼ੁਕਲਾ ਨੇ ਪੋਸਟ ਕੀਤਾ, ‘‘ਏਸ਼ੀਆ ਵਿੱਚ ਅਜੇਤੂ ਚੈਂਪੀਅਨ। ਪਾਕਿਸਤਾਨ ਵਿਰੁੱਧ ਜਿੱਤ ਅਤੇ 3-0 ਨਾਲ ਜਿੱਤ ਲਈ ਟੀਮ ਇੰਡੀਆ ਨੂੰ ਵਧਾਈਆਂ। ਤਿਲਕ ਵਰਮਾ ਅਤੇ ਕੁਲਦੀਪ ਯਾਦਵ ਦੁਆਰਾ ਸ਼ਾਨਦਾਰ ਪ੍ਰਦਰਸ਼ਨ। ਦਬਾਅ ਹੇਠ ਸ਼ਾਨਦਾਰ ਪ੍ਰਦਰਸ਼ਨ।’’