ਬਾਬਾ ਸਿੱਦੀਕ ਕਤਲ ਮਾਮਲਾ: ਦੋਸ਼ੀ ਅਮਿਤ 4 ਨਵੰਬਰ ਤੱਕ ਰਹੇਗਾ ਮੁੰਬਈ ਕ੍ਰਾਈਮ ਬ੍ਰਾਂਚ ਦੀ ਹਿਰਾਸਤ ’ਚ

ਮੁੰਬਈ ਪੁਲਿਸ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਬਾਬਾ ਸਿੱਦੀਕ ਕਤਲ ਕੇਸ ਵਿਚ ਅਦਾਲਤ ਨੇ ਦੋਸ਼ੀ ਅਮਿਤ ਹਿਮਸਿੰਗ ਕੁਮਾਰ ਨੂੰ 4 ਨਵੰਬਰ ਤੱਕ ਮੁੰਬਈ ਕ੍ਰਾਈਮ ਬ੍ਰਾਂਚ ਦੀ ਹਿਰਾਸਤ ’ਚ ਭੇਜ ਦਿੱਤਾ ਹੈ। ਪੁੱਛਗਿੱਛ ਦੌਰਾਨ ਅਮਿਤ ਨੇ ਦੱਸਿਆ ਕਿ ਉਸ ਨੂੰ ਕਤਲ ਦੀ ਸਾਜ਼ਿਸ਼ ਬਾਰੇ ਪੂਰੀ ਜਾਣਕਾਰੀ ਸੀ। ਚੌਥੇ ਦੋਸ਼ੀ ਜ਼ੀਸ਼ਾਨ ਅਖਤਰ ਨੇ ਅਮਿਤ ਨੂੰ ਕਿਹਾ ਸੀ ਕਿ ਕੋਈ ਉਸਦੇ (ਅਮਿਤ) ਖਾਤੇ ਵਿਚ ਪੈਸੇ ਭੇਜੇਗਾ ਅਤੇ ਉਸ ਨੂੰ ਉਹ ਪੈਸੇ ਕਢਵਾ ਕੇ ਜੀਸ਼ਾਨ ਅਖਤਰ ਨੂੰ ਦੇਣੇ ਹਨ।