37 ਸਾਲਾ ਮਹਿਲਾ ਵਜੋਂ ਸ਼ਨਾਖ਼ਤ, ਡਾਊਨਟਾਊਨ ਮਿਨੀਆਪੌਲਿਸ ’ਚ ਡਰਾਈਵਰ ਕਤਲ

ਮਿਨੀਆਪੌਲਿਸ, ਬੁੱਧਵਾਰ ਨੂੰ ਇਮੀਗ੍ਰੇਸ਼ਨ ਤੇ ਕਸਟਮਜ਼ ਐਨਫੋਰਸਮੈਂਟ (ICE) ਅਧਿਕਾਰੀ ਵੱਲੋਂ ਗੋਲੀ ਮਾਰ ਕੇ ਮਾਰੇ ਗਏ ਡਰਾਈਵਰ ਦੀ ਸ਼ਨਾਖ਼ਤ 37 ਸਾਲਾ ਮਹਿਲਾ ਵਜੋਂ ਹੋਈ ਹੈ। ਇਹ ਹਾਦਸਾ ਡਾਊਨਟਾਊਨ ਮਿਨੀਆਪੌਲਿਸ ਦੇ ਦੱਖਣ ਵੱਲ ਉਸ ਦੇ ਪਰਿਵਾਰਕ ਮੈਂਬਰਾਂ ਦੇ ਸਾਹਮਣੇ ਹੋਇਆ। ਘਟਨਾ ਉਸ ਇਲਾਕੇ ਤੋਂ ਇੱਕ ਮੀਲ ਦੂਰ ਵਾਪਰੀ ਸੀ ਜਿੱਥੇ 2020 ਵਿੱਚ ਜਾਰਜ ਫਲੌਇਡ ਮਾਰਿਆ ਗਿਆ ਸੀ। ਮਹਿਲਾ ਦੇ ਕੀਤੇ ਇਸ ਹਮਲੇ ਨੂੰ ਕਈ ਲੋਕਾਂ ਨੇ ਵੀਡੀਓ ’ਚ ਰਿਕਾਰਡ ਕਰਕੇ ਸੋਸ਼ਲ ਮੀਡੀਆ ’ਤੇ ਸਾਂਝਾ ਕੀਤਾ। ਇਸ ਤੋਂ ਬਾਅਦ ਸੈਂਕੜੇ ਲੋਕ ਮੌਕੇ ’ਤੇ ਇਕੱਠੇ ਹੋ ਕੇ ਮੁਜ਼ਾਹਰਾ ਕੀਤਾ। ਟੈਕਸਸ ਦੌਰੇ ’ਤੇ ਗਈ ਅਮਰੀਕਾ ਦੀ ਹੋਮਲੈਂਡ ਸਕਿਊਰਿਟੀ ਸਕੈਟਰ ਕ੍ਰਿਸਟੀ ਨੌਇਮ ਨੇ ਇਸ ਘਟਨਾ ਨੂੰ ਘਰੇਲੂ ਅੱਤਵਾਦ ਦਾ ਦਰਜਾ ਦਿੱਤਾ। ਉਨ੍ਹਾਂ ਮੁਤਾਬਕ ਮਹਿਲਾ ਨੇ ਜਾਣਬੁੱਝ ਕੇ ਅਧਿਕਾਰੀਆਂ ਨੂੰ ਨੁਕਸਾਨ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ, ਜਿਸ ਕਾਰਨ ICE ਅਧਿਕਾਰੀ ਨੇ ਖੁਦ ਅਤੇ ਆਲੇ ਦੁਆਲੇ ਲੋਕਾਂ ਨੂੰ ਬਚਾਉਣ ਲਈ ਗੋਲੀ ਚਲਾਈ। ਸੋਸ਼ਲ ਮੀਡੀਆ ਪੋਸਟ ਵਿੱਚ ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਵੀ ਮਹਿਲਾ ’ਤੇ ਦੋਸ਼ ਲਗਾਏ ਅਤੇ ICE ਅਧਿਕਾਰੀ ਦੇ ਪੱਖ ਦਾ ਸਮਰਥਨ ਕੀਤਾ।